ဒီးမော့ဆိုတိုက်ပွဲအတွင်း KNDF တပ်ရင်း (၄) ရဲဘော် ဒေါရို(ခ) ရဲမင်းထွေး ကျဆုံး
ကရင်နီပြည်၊ ဒီးမော့ဆိုမြို့နယ် ပတိုငံတိုက်ပွဲအတွင်း ကရင်နီအမျိုးသားများကာကွယ်ရေးတပ်(KNDF) တပ်ရင်း (၄) ရဲဘော်တစ်ဦးကျဆုံးခဲ့ရကြောင်း တပ်ရင်းတာဝန်ရှိသူ ပြောကြားသည်။ KNDF တပ်ရင်း (၄)တွင် တာဝန်ထမ်းဆောင်နေသည့် အသက် (၂၅)နှစ်အရွယ် ရဲဘော် ဒေါရို(ခ) ရဲမင်းထွေးသည် စစ်ကော်မရှင်တပ်ကို ခုခံတိုက်ခိုက်ရင်း လက်နက်ငယ်ထိမှန်မှုကြောင့် စက်တင်ဘာလ (၂)ရက်နေ့တွင် ကျဆုံးခဲ့ရကြောင်း KNDF တပ်ရင်း (၄)တပ်ရင်းမှူး က ပြောကြားသည်။ အဆိုပါ ကျဆုံးရဲဘော် ဒေါရို (ခ) ရဲမင်းထွေး၏ စျာပနအခမ်းအနားကို ယမန်နေ့ စက်တင်ဘာလ (၄)ရက်နေ့တွင် ကရင်နီပြည် တစ်နေရာ၌ ပြုလုပ်ခဲ့ကြောင်း ဆိုသည်။
